नेपालको जनसंख्याको ठूलो भाग युवाबाट बनेको छ। तर यी युवाहरूको सामाजिक, आर्थिक र राजनीतिक क्षेत्रमा सहभागिता अझै पनि सीमित छ। शिक्षा प्रणालीले रोजगारीमुखी शिक्षा प्रदान गर्न नसक्नु, राजनीतिमा पुरानो नेतृत्वको वर्चस्व, र रोजगारीको अभावले गर्दा युवाहरूको क्षमता पूर्ण रूपमा उपयोग हुन सकिरहेको छैन।
हालका वर्षहरूमा सामाजिक संजाल र डिजिटल माध्यमहरूले युवाहरूलाई आवाज उठाउने नया मञ्च प्रदान गरेको छ। विभिन्न सामाजिक अभियान, व्यवसायिक स्टार्टअप, र सृजनशील कार्यहरूमा युवाहरूको सहभागिता बढेको छ। तर यो सहभागिता संगठित रूपमा परिवर्तन ल्याउन अझै सक्षम भएको छैन।
युवाहरूको लागि रोजगारीको अवसर सिर्जना गर्न तुरुन्त आवश्यक छ। यसको लागि शिक्षा प्रणालीमा सुधार, व्यावसायिक प्रशिक्षणको विस्तार, र युवा उद्यमितालाई प्रोत्साहन दिने नीतिहरू लागू गर्नुपर्छ। साथै, राजनीतिक प्रक्रियामा युवाहरूको सहभागिता बढाउन उमेर सम्बन्धी आरक्षण वा कोटा प्रणाली लागू गर्नुपर्छ।
नेपालको भविष्य युवाहरूको हातमा नै छ। युवाहरूले नै देशमा नवीन विचारहरू, प्रविधि, र सृजनशीलतालाई अगाडि बढाउन सक्छन्। तर यसको लागि उनीहरूलाई आवश्यक अवसर, संसाधन र मार्गदर्शन प्रदान गर्नुपर्छ।
